Владата ќе ја одржи 171-та седница во Куманово
Владата на Република Северна Македонија денеска во Занаетчискиот дом во Куманово ќе ја одржи својата редовна 171. седница на која ќе претседава премиерот Зоран Заев, а ќе присуствуваат сите министри, гости и градоначалниците од регионот.
Како што соопшти владината прес-служба, на оваа седница приоритет ќе добијат информациите и одлуките за проекти од непосреден интерес на граѓаните на општините од регионот, за што во текот на денот на седницата ќе ѝ претходат повеќе теренски активности.
-Министерот за транспорт и врски Горан Сугарески и директорот на Јавното претпријатие за државни патишта Зоран Китанов, ќе извршат увид во работите на рехабилитацијата на регионален пат Куманово – Св. Николе. Настанот е предвидено да се одржи во 11:30 часот на околу 500 метри од Затворот во Куманово. Министерот за здравство Венко Филипче во 13 часот ќе ја посети општата болница во Куманово, а во рамки на теренските настани, министерот за земјоделство, шумарство и водостопанство Трајан Димковски, ќе ја посети компанијата за месна индустрија Никси, како еден од корисниците на ИПАРД програмата, информираат од Владата.
Од попладневните активности, во 15 часот во Здружението на пензионери, министерот Венко Филипче ќе се сретне со пензионерите од Куманово и регионот, а во 17 часот министерката за труд и социјална политика Мила Царовска ќе се сретне со корисници на социјална пензија од Куманово и регионот.
Ново на Сител
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи