Владата денеска ќе ја одржи 11-тата седница
Владата на Република Македонија денеска ќе ја одржи редовната, 11-та седница, со повеќе точки на дневен ред од својата Програма за работа и од интерес на граѓаните.
На денешната седница Владата ќе го разгледа записникот од шестиот состанок на Главниот координативен кризен штаб за обезбедување целосна координација во врска со спречување на внесување и ширење на коронавирус КОВИД-19, одржан на 13 октомври 2020 година.
На предлог на Министерството за финансии, на оваа седница ќе се стави на усвојување Предлог завршната сметка на Буџетот на Република Македонија за 2019 година.
Министрите во Владата на седницата ќе се произнесат по Годишниот извештај за работата на Државното правобранителство на Република Македонија за 2019 година.
Министерството за транспорт и врски за оваа седница на дневниот ред ги стави точките Информација за напредокот на проектот Изградба на железнички граничен премин со придружни содржини „Табановце“ помеѓу Република Македонија и Република Србија, за период до 30 септември 2020 година, како и Информација за воведување на информациски систем за управување со енергијата - ЕМИС, за период до 30 септември 2020 година.
Редовната 11-та седница на Владата на Република Македонија, ќе се одржи преку видео-конференциска врска, и е предвидено да започне во 12:00 часот.
Ново на Сител
-
Со таблички во боја ќе се спречува злоупотребата на службени возила
-
Тема на денот со Сашо Клековски, директор на Фонд за здравство
-
Се стопираат етничките вработувања во администрацијата
-
Потребни итни реформи во судството, состојбата е алармантна
-
Мицкоски на средби со ЕУ челниците во Брисел - Ќе пренесел порака за фрустрацијата на македонскиот народ
-
Таравари: Ахмети да се навикне на опозиција
-
Стотина прехранбени производи еден месец ќе имаат ограничена бруто профитна маржа до 10%
-
Мицкоски: Задолжувањето не е кинеско, ако ви пречи Кина зошто потпишавте договор со нив?