„Вкусот на Македонија“ саем за традиционална и органска храна

Традиционална и органска храна, зачини, чаеви, регионални алкохолни пијалоци, природна козметика и облека ќе се продаваат на саемот „Вкусот на Македонија“, кој од денеска до 13 ноември ќе се одржува во Скопје.

На саемот свои производи ќе продаваат 22 мали и средни бизниси од рурална Македонија. 

Саемот е организиран од шест локални акциони групи од рурална Македонија во партнерство со ТЦ Рамстор и со подршка од Проектот на УСАИД за експанзија на мали бисзниси, кофинансиран од Владата на Швајцарија.

Локалните акциони групи се здруженија од граѓани сочинети од претставници на јавниот, приватниот и граѓанскиот сектор од две до четири соседни рурални општини. Здруженијата се основани како дел од воведувањето на ЕУ Леадер пристапот за локален економски развој во руралните средини.