Вимблдон: Возниацки не задоволна од статусот на тенисерките

Поранешната тенисерка број 1 Каролине Возниацки по елиминацијата во 4.коло на Вимблдон искажа многу забелешки на страна на организаторот.

- Секогаш сакам да играм на некој од поголемите терени. Вредно тренираме за да играме на големите турнири и на големите терени. Но, девојките не добиваат вистинска шанса да играат на големите терени. Се одигрува по еден женски меч дневно на Централниот терен и на теренот број 1. Првата недела од турнирот иста беше сликата и на теренот број 2. Најголемиот дел од нас сметаат дека заслужуваат да играат на поголеми терени со повеќе публика, а не тоа да важи само за тенисерите, изјави данската тенисерка.

Возниацки петта година по ред успеава да стигне на Вимблдон „само“ до осминафиналето - 4.коло.

Можеби и тука е причината за оваа нејзина реакција.