Викендов во Штип празник за љубителите на пинг-понгот

Претстои убав викенд за љубителите на пинг-понг возбудувањата. На  03-04 Март во Штип ќе се одржи државното поединечно првенство за сениори и сениорки по 26ти пат. Натпреварите ќе започнат во 10:30 часот во спортската сала ,,Јордан Мијалков``. На првенството имаат право да настапат сите Сениори/ки, Младинци/ки како и првите осум пионери/ки од ранг листата на ППФМ. Преку 100 учесници ќе се натпреваруваат во пет главни категории: поединечо сениори, поединечно сениорки, двојки сениори, двојки сениорки и мешани двојки од кои победниците во сите дисциплини се стекнуваат со титула државен првак на Р. Македонија за 2018 година.

Пинг Понгот е повеќе од игра. Во параболата на пластичното топче се кријат вештините на големите мајстори на овој спорт кај нас, а со гордост можеме да кажеме дека и младите во голем број веќе покажуваат огромни почетни таленти. „Ве покануваме да ги следите во живо натпреварите од државното првенство и да помогнеме за афирмација на овој спорт во пошироки рамки“.