Викенд временска прогноза
До крајот на денов во нашата држава ќе имаме претежно облачно време а од запад уште во текот на претпладнево ќе започнат врнежи од дожд. Во текот на денов врнежите ќе се прошират насекаде и локално ќе бидат поинтензивни (над 20 л/м2), на планините врнежите ќе бидат од снег каде ќе дојде до зголемување на снежната покривка. Во вечерните часови услови за повремени врнежи од снег ќе има и на повисоките места (над 1100 м.н.в). Ќе дува умерен ветер од јужен и од југоисточен правец кој повремено на некои места ќе засилува на интензитет, во вечерните часови ветерот ќе го промени правецот во северен. Максималните дневни температури ќе се искачуваат во интервалот од 6 до 13 степени, информира Славчо Попоски.
Потоа во текот на утрешниот ден локално се уште ќе има малку повеќе облаци, а ќе дува и умерен, на некои места засилен ветер од северен правец, во недела времето пак ќе биде претежно сончево. Наутро температурите на воздухот на многу места ќе се спуштаат не многу под нулата, односно истите ќе се спуштаат во интервалот од -6 до 2 степени. Максималните дневни температури на воздухот ќе се искачуваат во интервалот од 6 до 14 степени, малку потопло се очекува да биде во крајните југоисточни предели.
Стабилно, суво и сончево време ќе имаме и на почетокот од следната недела, максималните дневни температури на воздухот на многу места ќе се искачуваат над 10 степени. Во најтоплите предели истите се очекува да се искачат дури до околу 20 степени и истите ќе бидат над просекот за овој дел од годината. Сето ова ќе биде поради влијанието на значително потоплата воздушна маса од југ.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица