Вежба на специјалната единица „Тигар“ во Охрид
– Полициски службеници од специјалната антитерористичка единица „Тигар“ при Министерството за внатрешни работи, денеска и утре ќе спроведат тактичко – показна вежба на потегот од каналот „Студенчишта“ кон пешачката патека во Охрид, соопшти СВР Охрид.
Портпаролот Стефан Димоски појасни дека се работи за редовна вежбовна активност на Единицата во која ќе се вклучи и Хеликоптерската единица на МВР.
– Целта е јакнење на професионалните компетенции на припадниците на Единицата за зголемена ефикасност и ефективност во борбата против криминалот и подигнување на безбедноста на граѓаните и државата, изјави Димоски.
Пред почетокот на вежбата, додаде, полициски екипи ќе извршат обиколка и обезбедување на поширокото подрачје каде ќе се изведуваат вежбовните активности со цел оневозможување влез на граѓани на подрачјето.
– Упатуваме апел до граѓаните, да ги почитуваат ознаките и натписите за забранет пристап, да не се задржуваат на подрачјето каде ќе се изведува вежбата и целосно да се придржуваат кон останатите насоки на полициските службеници, рече Димоски.
Вежбовни активности на Специајалната антитерористичка единица „Тигар“ во Охрид ќе има и во текот на идната недела за што, јавноста ќе биде информирана.
Ново на Сител
-
Извештајот на Светска банка го нарушува имиџот на земјава
-
Тема на денот со премиерот Христијан Мицкоски
-
Македонски Телеком креираше иновативно решение за телемедицина, единствено во регионот
-
Во Велес утре ден на жалост за тројцата загинати во сообраќајката кај Катланово - другите пет лица се тешко повредени
-
Таравари бара директорите на Детска и Козле да преземат мерки за докторите кои направиле превид
-
ВО ЖИВО: Голема полициска акција
-
Смена во АНБ
-
Четири општини нема да добијат државни пари - Владата го продолжи рокот за да може да аплицираат дополнително