Венеса Паради во одбрана на Џони Деп

Откако Ембер Херд објави фотографии на кои се гледаат повреди на нејзиното лице, многумина се посомневаа во нејзините тврдења. Голем број застанаа во одбрана на славниот актер Џони Деп, а денеска се огласи и Венеса Паради.

- Таквите обвинувања се апсурдни. Џони е една нежна и чувствителна особа. Тој е татко на две деца и никогаш кон нас не се однесувал лошо. Тој е полн со љубов и сите го сакаат. Најискрено мислам дека сето тоа не е точно, посочи Паради.

Таа додаде дека со Деп била 14 години и тој никогаш не ја злоставувал на каков било начин.

- Тоа беа преубави 14 години, посочи Паради.

Херд тврди дека била претепана од Деп и бара развод.