Венецуела: Имаме подготвен одговор при евентуален напад на САД

Доколку американскиот претседател Доналд Трамп испрати војска во Венецуела, Каракас ќе има подготвен одговор, изјави синот на венецуелскиот претседател, Николас Мадуро Помладиот.

Тој во говор пред Уставотворното собрание изјави дека во тој случај оружјето би можело да стигне во Њујорк, а дека може да биде заземена и Белата куќа. 

Американската администрација го осуди режимот на претседателот на Венецуела, Николас Мадуро поради кршење на човековите права, а Трамп неодамна изјави дека опцијата за воената интервенција во Венеција останува отворена. 

Повеќе од 120 лица загинаа за време на антивладините протести во Венецуела од април во судирите меѓу полицијата и демонстрантите.