Велешката болница доби санитетско возило
Санитетско возило од марката „Мерцедес Бенц Спринтер“ за транспорт на пациенти доби ЈЗУ Општа болница во Велес. Возилото е опремено со соодветна медицинска опрема според високи стандарди, која е наменета за брзи интервенции во итни случаи. Станува збор за донација од компанијата Дрекслмајер.
Од компанијата посочуваат дека возилото е потребно за пружање на здравствени услуги на пациентите кои се лекуваат во таа јавна здравствена установа и кои во итни случаи се упатуваат на Клиничкиот центар во Скопје.
– Драго ми е што денес имаме убав повод да ја посетиме болницата во Велес. Се надевам дека донираното возило значително ќе го зголеми квалитетот на медицинската услуга која ја пружаат медицинските служби, а од која директна придобивка ќе имаат пациентите како корисници на овие услуги, рече на примопредавањето на возилото генералниот директор на компанијата, Лукас Мирингер.
Директорот на ЈЗУ Општа болница Велес, Божидар Бојаџиев се заблагодари за донацијата.
– Велешката болница е акредитирана регионална болница која го покрива регионот до Гевгелија и токму затоа ова возило ни е исклучително потребно во секојдневното функционирање, но и при пренесување на пациентите до Клиничкиот центар во Скопје, рече д-р Бојаџиев.
Минатата година и Општата болница во Кавадарци доби донација – возило за медицинскиот персонал во оваа институција, како и современа медицинска опрема колоноскоп и гастроскоп. Од компанијата наведуваат дека покрај социјалните проекти, поддржуваат активности во образованието, спортот и културата.
Ново на Сител
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето