Вечерва ќе ги дознаеме првите четвртфиналисти во Лигата на шампионите

Вечерва ќе ги добиеме првите два патници во четвртфиналето на фудбалската Лига на шампиони. На програмата се првите реванш дуели од осминафиналната рунда. 

 

Резултатски, но и според квалитетот на екипите, секако дека дуелот во Лондон ќе привлече поголемо внимание.  На  „Стенфорд Бриџ“, Челзи ја пречекува Борусија Дортмунд која на првиот меч славеше минимално со 1-0. 

 

Сигурно дека предноста на популарните „милионери“ не ѐ недостижна, напротив, но свесни се во таборот на „сините“ дека против себе имаат тим кој годинава има 10 победи во низа и игра одличен фудбал. 

 

Тренерите на двата тима се соочуваат со кадровски проблеми, што поради повреди, што поради суспензија, па ќе недостасуваат повеќемина клучни фудбалери. 

 

стратегот на Челзи, Грем Потер се изјасни дека ќе дадат се од себе за да поминат понатаму.

 

- Ова е важен натпревар, против силна екипа. Ние сакаме да победиме и да одиме во следната фаза. Сигурен сум дека на „Стенфорд Бриџ“ ќе има одлична атмосфера, вели Потер

 

Иако вториот натпревар привлекува помало внимание, Бенфика ќе треба да ја потврди победата од гостувањето во Белгија каде го совлада Бриж со 2-0. 

 

Тренерот на Бенфика, Роџер Шмит, смета дека нема да биде нималку лесно, па затоа германскиот стратег вели дека неговиот тим мора да одигра перфектно, ако сака пласман во следната рунда. 

 

Кои ќе бидат првите два тима четвртфиналисти ќе дознаеме вечерва по одигрувањето на средбите чии почеток е закажан во стандардниот термин од 21 часот.