Вандали осквернавија еврејски гробишта во градот Филаделфија

Вандали турнаа и уништија над 500 надгробни плочи на еврејските гробишта во градот Филаделфија во Пенсилванија, јави ДПА. 

Ова е најновиот случај во серијата напади врз еврејски објекти во САД. 

Дел од надгробните плочи, од кои некои датираат од средината на 19 век, се скршени на половина, јавија локалните медиуми. 

Понудена е награда од 10.000 долари за оној кој ќе даде информација за извршителите. 

- Вознемирени сме од новото сквернавење на еврејските гробишта. Овие напади треба да се запрат, напиша на Твитер еврејската невладина организација.