Валверде има големи очекувања од новите засилувања

Тренерот на Барселона, Ернесто Валверде изјави дека има големи очекувања од новите засилувања Нето, Антоан Гризман и Френки де Јонг.

– Тоа се три важни засилувања. Секој од нив е важен на свој начин. И ние очекуваме многу од нив. Тие се свесни дека нашите навивачи се возбудени и желбата ни е новите да се воиграат брзо со тимот, изјави Валверде.

За Де Јонг, стручњакот смета дека одиграл на високо ниво во последниве години.

– Тој забележа одлична сезона, како и Ајакс. Ние се надеваме дека тој ќе ни даде свежина и енергија во средината на теренот, што ќе биде добро за нас. Ние градиме и иднина, а пред него има многу години фудбал. Тој е квалитетен фудбалер и ние сме свесни дека неговиот стил е погоден за Барса, вели Валверде.

Според тренерот, оваа летна подготовка на тимот ќе биде различна од останатите, бидејќи имаат помалку време за подговотвки.

– Сега нашиот прв натпревар доаѓа по мал број тренинзи, но играчите изгледаат во добра состојба, додаде Валверде.