Вакцините на „Фајзер“ и „АстраЗенека“ ефикасни против делта варијантата на коронаворусот
Вакцините против Ковид-19, развиени од „Фајзер“/ „БиоНТек“ и „АстраЗенека“, генерално се ефикасни против делта и капа варијантите на коронавирусот, што за првпат беа идентификувани во Индија, покажа најновото научно истражување на Универзитетот Оксфорд, објавено во списанието „Цел“.
Истражувањето било направено со цел да ја утврди способноста на антителата во крвта на луѓето кои ги примиле двете дози на вакцината да ги неутрализираат високоразразните делта и капа варијанти на вирусот, се наведува во соопштението на универзитетот.
„Нема докази за големо имунолошко вирусно бегство, што сугерира дека сегашната генерација на вакцини обезбедува заштита од вирусните варијанти Б.1.617“, се наведува во истражувањето. Станува зборт за делта и капа варијантите, што за првпат беа идентификувани во Индија.
Но, концентрацијата на неутрализирачки антитела во крвта беше малку помала, што може да доведе до одреден број зарази, предупредуваат научниците.
Минатата недела, анализата на англиската Агенција за јавно здравје покажа дека вакцините произведени од „Фајзер“ и „АстраЗенека“ обезбедуваат висока заштита од повеќе од 90 проценти од хоспитализациите од делта варијантата на вирусот.
„Делта варијантата станува глобално доминантна варијанта“, изјави во петокот главниот научник на Светската здравствена организација (СЗО).
Научниците од Оксфорд, исто така, ја анализирале фреквенцијата на повторна инфекција кај луѓето кои прележале Ковид-19. Ризикот од повторна инфекција со делта варијантата се покажа како особено висок кај лицата заразени со бета и гама варијанти, што потекнуваат од Јужна Африка, односно Бразил.
Ново на Сител
-
Србија: Пензионерите најавија протестна прошетка во поддршка на студентите на 5 февруари
-
Мицкоски: Прифаќаме минимална плата која ќе ja договорат работодавачите и работниците
-
Над 4.400 Романци во САД се соочуваат со депортација, за над 1.300 веќе се издадени решенија
-
Фросина Кулакова е 22-годишната девојка усмртена кај „Силбо“
-
74-годишник со остар предмет се заканувал на соседи во Карпош
-
Поведена дисциплинска постапка против Вишиот јавен обвинител на Скопје и еден јавен обвинител од истото обвинителство
-
Таравари: Жалам што за скандалот со Онкологија нема судски епилог
-
Нови 1.878 случаи на грип, вирусот најактивен во Кавадарци и Дебар