Вајгл, Ховит и Кукан на работна средба во ДИК
Членовите на Државната изборна комисија (ДИК) денеска одржаа работна средба со тројцата членови на Европскиот Парламент – Иво Вајгл, Ричард Ховит и Едуард Кукан.
Претставниците на Европскиот парламент, како што е наведено во соопштението од ДИК, се интересирале за активностите преземени од ДИК и предизвиците со кои Комисијата се соочува.
Од страна на Државната изборна комисија се информирани дека и покрај големото задоцнување во нејзиното формирање, за период од две недели се исполнети двата клучни приоритета: избор на генерален секретар и утврдување на двата правилника за проверка на избирачкиот список. Со преземањето на овие активности, Државната изборна комисија создаде претпоставки за почнување на кадровското доекипирање и ажурирање на Избирачкиот список.
ЕУ пратениците, се додава во соопштението, се запознаени и дека процесот на кадровско доекипирање и почнување на водење и ажурирање на Избирачкиот список е условен од усогласувањето на политичките партии и надминување на институционалните и нормативните предизвици.
- Беа известени и дека се почнати активности за подготовка на операциски планови за имплементација на двете методологии за проверка на Избирачкиот список и дека се вршат и други активности во насока на обезбедување услови за спроведување фер и слободни избори. Тројцата европарламентарци ја пренесоа пораката дека Државната изборна комисија е поставена пред сериозна задача да спроведе избори според највисоки меѓународно стандарди, се наведува во соопштението од ДИК.
Ново на Сител
-
Пукање на автопатот Тетово - Скопје
-
Рибочуварка на Тиквешко Езеро физички нападната од три лица
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот