Утврден законот за материјално обезбедување на стечајците
Владата на 18. седница го разгледа и утврди предлог-законот за материјално обезбедување на стечајните работници.
Со ова законско решение за кое се обезбедени финансиски средства со ребалансот на Буџетот, ќе бидат опфатени 3.000 стечајни работници и ќе се реши нивниот долгогодишен проблем, соопшти владината прес-служба.
На седницата е усвоена и информацијата за потребата од вработување дополнителен број социјални работници за повеќе центри за социјална работа низ Република Македонија, а утврден е и предлог-законот за измени и дополнување на Законот за социјална заштита кој Владата ќе го достави на усвојување во Собранието на Република Македонија.
Владиниот тим ги утврди и предлог-измените и дополнувањата на Законот за заштита на децата со кои се предвидува продолжување на додатокот за деца со посебни потреби по службена должност, а ја усвои и информацијата за можноста за вршење периодични здравствени прегледи од страна на здравствени работници од Министерството за здравство на корисниците во дневните центри за деца и лица со пречки во развојот.
Министерството за труд и социјална политика е задолжено во рок од 15 дена да иницира работна група со Министерството за здравство која ќе работи на реализација на оваа активност, информира Владата.
Ново на Сител
-
Над 1.000 идни студенти пријавени во првиот уписен рок на штипскиот Универзитет „Гоце Делчев“
-
До петок сончево и топло
-
Кривична против полицаец од скопски Аеродром - не извршил пасошка контрола на лице со мерка „апси“
-
Три лица се повредени во сообраќајка на магистралниот пат Кичево-Гостивар
-
Откупот на пченицата за стоковните резерви ја зголеми цената за еден денар
-
Мерц: Германија нема да ја признае палестинската држава
-
Пожарите кај Јасен, Кожуф и Долгаец се ставени под контрола, во моментов нема активни пожари
-
Во вториот квартал пад од 6,3 проценти на патниците со автобус на годишно ниво