Утрово се одложи стартот на судскиот случај „Триста“

Утрово се одложи стартот на судскиот случај „Триста“ на Специјалното јавно обвинителство. Судењето е одложено за 21 ноември, бидејќи обвинетиот Ѓоко Поповски преку адвокатите до судот достави медицинска документација дека е спречен да присуствува на главната расправа поради проблеми со одот и препорака од лекар да мирува.

Обвинителката Фатиме Фетаи во судот порача дека е подготвена обвинетиот да го гони и на смртна постела и побара да се направи вештачење за да се утврди дали обвинетиот навистина бил спречен да присуствува на судењето.

 во овој предмет на поранешниот помошник министер во МВР му се суди за злоупотреба на тендер за набавка на 300 возила за потребите на Министерството и со тоа го оштетил државниот буџет за околу 450. 000 евра.