Утрово најладно во Берово, измерени -6 степени
Утрово е најладно во Берово каде се измерени минус шест степени, а максимални шест степени е во Дојран, информира УХМР.
Според податоците до осум часот, минус два степени се измерени во Лазарополе и во Тетово, минус еден во Демир Капија, нула во Гевгелија и Претор, еден во Маврово и Крушево, два во Скопје, Куманово, Охрид и Битола и три степени во Прилеп.
Преку ноќта во планинските региони облачноста се намали и таму утринава е ведро, а по котлините остана ниска облачност или магла. Магла утрово има во Скопје, Струмица, Штип, Куманово и Тетово, а магливо е во Пелагонија и Гевгелија.
Од УХМР информираат дека преку денот ќе биде сончево со локална облачност и со слаб претежно југоисточен ветер. Преку ноќта од запад ќе се прошири облачност и ќе започне повремен дожд, на планините снег. Ќе дува слаб југоисточен ветер. Дневната температура ќе биде во интервал од 9 до 14 степени, во котлините со магла од 4 д 9 степени.
Во Скопје утрово има магла, која ќе се задржи подолготрајно. Попладне маглата ќе се намали и ќе се зголемува облачноста. Температурата ќе достигне 11 степени.
Ново на Сител
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток
-
Тухел за натпреварите со Реал: Баерн ќе игра против најголемиот клуб во светот
-
Соработувале со Русите и планирале да ја саботираат армијата, Германија уапси две лица
-
Приведени крадци во Битола
-
Гвардиола: Главната работа во фудбалот е да постигнеш гол
-
Артета: Арсенал имаше многу периоди на доминација, но тоа не беше доволно да го поминеме Баерн