Уште еден случај на затруено дете во Куманово
Уште еден случај за затруено дете во Куманово, евидентира СВР Куманово. Станува збор за двегодишно дете од липковското село Отља кое испило таблета. Од болницата кажаа дека детето е во добра здравствена состојба.
- Вчера во 15:20 часот во СВР Куманово, од Општа болница Куманово е пријавено дека кај нив било донесено двегодишно дете од село Отља, Липковско, кое испило таблета. Се преземаат мерки за расчистување на случајот, соопшти полицијата.
Од кумановската болница потврдија дека детето било примено вчера на педијатрија.
- По извршениот преглед од страна на дежурниот лекар, детето било стабилизирано, дадена му е потребната терапија. Во моментот е во стабилна состојба. Понудена е хоспитализација, родителите не сакале, отпуштено е и е во добра здравствена состојба, изјави директорот на болницата, Сашо Стошевски.
Во август годинава во болницата беше донесено четиригодишно дете кое испило детергент. Во јули, пак, имаше два случаи на затруени деца со лекови, прво едногодишно бебе, исто така од липковското село Отља, неколку дена подоцна десетмесечно бебе од Куманово.
МИА
Ново на Сител
-
Коалицијата на СДСМ вечерва во Штип и Пробиштип
-
Коалицијата на ВМРО ДПМНЕ вечерва во Струга и Ресен
-
Тема на денот со претседателката Гордана Сиљановска Давкова
-
Почна судењето за поранешната претседателка на Антикорупциска
-
Коцевски: Објавени се само дел од пораките, се истражуваат и други лица и институции
-
Ветувања на коалиција ВМРО-ДПМНЕ: Нови автобуси, БРТ за Скопје, гаражи во Карпош
-
Филипче: Власта е прочитана како буквар, ниту една реформа не е спроведена
-
Справување со корупцијата, решенија за јавен превоз и хигиена - Изборни ветувања на албанските партии