Уште две жртви во протестите во Венецуела
Во Венецуела продолжуваат протестите против владата на претседателот Николас Мадуро, пренесуваат британските медиуми.
Во насилните и тензични демонстрации има уште две жртви. Со тоа, од почетокот на протестниот бран, на почетокот на минатиот месец бројот на загинати достигна најмалку 39 лица.
Во Каракас илјадници демонстранти повторно побараа оставка од претседателот и закажување избори. Млади лица фрлаа шишиња и кеси со измет врз војниците, разместени на главниот булевар во венецуелската престолнина. Војниците одговорија со солзавец.
Малите стаклени шишиња, наполнети со измет, станаа популарни како „Пупутов“ коктел - што е своевидна игра со зборови на славниот „Молотов“ коктел .
Многу млади беа „вооружени“ токму со такво „оружје“. Војниците од Националната гарда, меѓутоа, им го блокираа патот со солзавец и водени орудија.
- Нема ништо експлозивно тука. Тоа е нашит начин да кажеме: „Тргај се Мадуро! Не чиниш за ништо!, рече еден млад човек.
Вчера 27-годишен демонстрант беше убиен во протестот во Каракас, соопшти обвинителството, без да даде детали за настанот.
И маж на 32-годишна возраст починал, откако бил ранет во демонстрациите во северозападниот град Мерида.
Од почетокот на протестите во земјата убиени се вкупно 39 лица, а стотици се ранети и уапсени.
Опозицијата за утре закажа протестен марш на дедовците и бабите.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање