УС Опен: Федерер против Вавринка во полуфиналето

Вториот носител на УС Опен Рожер Федерер успеа да се пласира во полуфиналето каде ќе игра против Стан Вавринка, петти носител. И двајцата Швајцарци немаа тешка работа за пласманот во полуфиналето Федерер на Ришар Гаске му препушти седум гема, додека Вавринка загуби осум.

Во женските четвртфинални мечеви беше присутна поголема неизвесност и мечевите беа решени во три сета. Втората носителка Симона Халеп ја победи Викторија Азаренка, додека Флавија Пенета беше поуспешна од Петра Квитова (петта носителка).

Резултати на мечевите од 10.ден:

Федерер - Гаске 3:0 (6:3; 6:3; 6:1)

Вавринка - Андерсон 3:0 (6:4; 6:4; 6:0).

Пенета - Квитова 2:1 (4:6; 6:4; 6:2)

Халеп - Азаренка 2:1 (6:3; 4:6; 6:4).

Вечерва на програмата се женските полуфинални мечеви:

С.Вилијамс - Винчи и Пенета - Халеп.