Управниот суд уважи една од тужбите на ВМРО-ДПМНЕ за локалните избори
Управниот суд уважи една од поднесените 28 тужби против приговорите на Државната изборна комисија (ДИК) за гласањето и сумирање на резултатите од првиот круг од локалните избори.
Управниот суд одлуките за сите 28 тужби, што ги донесоа судечките совети, ги објави на својата веб страна.
Управниот суд уважи една тужба од коалицијата предводена од ВМРО-ДПМНЕ за поништување на гласање на избори за членови на Советот на Град Скопје, на гласачкото место 2461 во општина Сарај.
По добивање на одлуката од Управниот суд ДИК треба да се изјасни дали прегласувањето во ова избирачко место ќе има влијание врз изборниот резултат и дали врз основа на тоа ќе има прегласување на ова избирачко место во Сарај.
Одлуките на Управниот суд се конечни.
По одбиените приговори до ДИК, коалицијата предводена од ВМРО-ДПМНЕ поднесе 24 тужби до Управниот суд, а по една поднесоа и ТМРО, Левица и Алијансата за Албанците.
По тужбите на партиите одлучуваа пет судечки совети составени од по пет судии, избрани по пат на жрепка. Управниот суд дел од одлуките ги објави во текот на вчерашниот ден, но поради проблеми со ИТ- системот, како што беше соопштено од судот, останатите 12 одлуки беа објавени ноќеска.
На 29 октомври ќе се одржи вториот круг од локалните избори за избор на градоначалници во 35 општини.
Ново на Сител
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци
-
Приведено лице од Долни Дисан поради бегство од затворот во Куманово
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка
-
СПМ: На 8 мај народот ќе ја определи својата иднина и иднината на државата