Управителот на „Пулс“ е 60-тата жртва во пожарот, во подготовка втората и третата фаза од лекувањето на повредените

Управителот на дискотеката „Пулс“ Александар Карадакоски е 60-тата жртва во трагичниот пожар на 16 март годинава во Кочани. Тој беше на лекување во Литванија, каде вчера им подлегнал на повредите, по што Основното јавно обвинителство Кочани ја запре постапката против него. Министерството за здравство најави дека се подготвува за втора и трета фаза од лекувањето на повредените, откако со отпуштање на пациентите од болниците во земјава и странство заврши првата фаза од нивното лекување.

Медицински лица и претставници од Министерството за здравство вчера ја посетија Клиничка болница-Штип за да ги видат условите за примање на повредените пациенти и вршење на сите потребни преврски и други медицински третмани.

Директорот на Клиничка болница-Штип, Владко Захариев вчера на прес-конференција информораше дека адаптирањето на просторот ќе биде пред се на болничките соби во Физикална терапија, од сегашните трикреветни соби, да се адаптираат во еднокреветни или двокреветни.

На уште едно лице му е определен краткотраен притвор од 48 часа во врска со трагедијата во Кочани со што вкупниот број на лица опфатени со оваа мерка се искачи на 17 лица. На дел од оние кои

Специјалистите по пластична хирургија од Клиничка болница - Штип ќе помагаат и во Општата болница во Кочани, а Захариев најави и оглас за вработување на 19 специјализанти.

Министерот за здравство Арбен Таравари информираше дека починатиот Карадакоски, беше еден од четворицата пациенти кои беа во критична состојба. 

- За жал, утрово ја добив лошата информација дека тој починал. Да се надеваме на другите критични да им се подобри состојбата. Пациентот што почина, 40 отсто од телото му беше со изгореници. На крајот, главниот проблем беше инфекцијата која што ја добил поради огромна површина на рани кои ги имаше на телото. Да се надеваме дека другите критични ќе поминат подобро и да ни се вратат во државата, рече Таравари.

Изјава за медиуми на министерот за здравство Арбен Таравари по повод пуштање во употреба на новата компресорска станица за хируршките клиники.

За транспортиот на телото на починатиот се е организирано, а обдукцијата ќе биде направена во Скопје.

Таравари на прес-конференцијата информира дека остануваат 78 пацинети од вкупно 193 повредени во трагедијата во Кочани кои се на лекување. Од нив во моментов во државата се лекуваат 14 пациенти, од кои пет ќе бидат испишани, тие се стабилни, во добра состојба и ќе се лекуваат дома, а девет остануваат во болниците во Скопје.

Денеска се очекува да се вратат шест нови пациенти кои се во стабилна состојба - по двајца од Бугарија, Унгарија и од Шпанија. Според протоколите, тие 24 часа ќе престојуваат во нашите болници од каде биле испратени и потоа ќе бидат пуштени на домашно лекување.

Вкупно 12 лица повредени при двете експлозии на станицата за течен нафтен гас (ТНГ) во местото Креведија, во близина на романскиот главен град Букурешт во саботата, се пренесени на лекување.

- Практично надвор од државата остануваат само 69 пациенти од кои три, за жал, се во критична и нестабилна состојба. Добро е што од вкупно 193 веќе 118 се лекуваат во домашни услови и се добри и сите се во добра состојба. Надвор од државата генерално повеќето се во стабилна и добра состојба, се најавуваат повеќе пацинети кои ќе се вратат во наредните 3-4 дена, информира Таравари.

Министерството за надворешни работи и надворешна трговија вчера соопшти дека преку Амбасадата на Република Северна Македонија во Варшава е во редовна комуникација со семејството на Карадакоски, како и со надлежните институции во Литванија и дека се преземаат сите активности за организација на транспортот на неговото тело.

Со минута молк во знак на почит кон настраданите во трагедијата во кочанската дискотека „Пулс”, во која бројот на жртвите денеска се зголеми на 60, почна денешниот состанок на стручниот колег

Стручниот колегиум на Јавното обвинителство во проширен состав, што работи на истрагата, вчера започна со една минута молк во знак на почит кон настраданите во трагедијата. 

- Обвинителскиот тим кој постапува во предметот на Основното јавно обвинителство Кочани за утврдување кривична одговорност за трагедијата го запозна колегиумот со преземените дејствија до сега, со начинот и концептот на истражување и со стручните аспекти на предметот кои ги има предвид при истражувањето, се наведува во соопштението од Обвинителството.