УНИЦЕФ: Секое петто дете во богатите држави живее во сиромаштија
Секое петто дете во богатите држави живее во сиромаштија, се вели во анализа на УНИЦЕФ. Недостигот од храна и образование е исто така широко распространет проблем, наведуваат експерти.
Во подготовката на извештајот се анализирани 41 држава со високи и средни доходи, од Европа, Источна Азија, Океанија, Северна Америка, како и од Израел, Мексико и Чиле.
Истражувањето укажува и на тенденции како намалена бременост во тинејџерска возраст и употреба на алкохол кај младите.
Најдобри резултати по неколку показатели за децата имаат скандинавски држави, Германија, Швајцарија, Јужна Кореја, Словенија и Холандија.
Јужна и Источна Европа како и држави од Латинска Америка покажуваат тенденции кон највисоки нивоа на детска сиромаштија, според анализата.
- Повисоки приходи не значат и автоматско подобрување на ситуацијата за сите деца, нагласува Сара Кук шеф во УНИЦЕФ.
На пример, Јапонија, САД и Канада се меѓу државите со најслаби социјални и даночни политики за намалување на сиромаштијата кај децата.
Во просек, едно од осум деца во богатите држави нема сигурност при набавка на храна, соодносот е еден-спрема-три во Турција и во Мексико. Една третина од 15-годишните деца од анализата немаат основни знаења за читање, математика и наука.
Ново на Сител
-
Тема на денот со Дарко Аврамовски
-
Пентагон: Билатералните односи да останат надвор од НАТО
-
Се китат со туѓи перја - Српскиот министер за култура го присвои родното место на Јустинијан Први
-
Пратениците од крилото на Села остануваат со Европскиот фронт
-
ВМРО-ДПМНЕ со обвинувања до Венко Филипче
-
Задругите се иднината на Македонското земјоделие, но се уште се на незавидно ниво
-
Спектакуларно отворање на 50-то издание на фестивалот на народни песни ,,Пеце Атанасовски‘‘ во Прилеп
-
По теркот на останатите туристички центри потребно е да се работи на инклузивен туризам