-->
-->
Улична трка „Скопје трча 10 км“
-->
Во организација на „Виз Ер Скопски маратон“ и под покровителство на Агенцијата за млади и спорт во Скопје на 8.октомври (недела) ќе се одржи улична трка „Скопје трча 10км“. По тој повод денеска во Агенцијата за млади и спорт беше одржана и прес конференција.
- „Скопје трча 10 км“ е нов спортски настан, кој ќе овозможи дополнителна шанса за спорт и рекреација на наншите граѓани. Во соработка со „Виз Ер Скопски маратон“ го подготвуваме овој значаен спортски настан за љубителите на трчањето, за да ги развиеме здравите навики кај младите. Трката на 10 километри ќе се одржи на 8.октомври, низ улиците на Скопје, во пресрет на 11.октомври – Денот на востанието. Сакам да истакнам дека Агенцијата за млади и спорт и во претстојниот период ќе биде силен партнер и поддржувач на организацијата на настани од масовно-рекреативен карактер, изјави директорот на Агенцијата за млади и спорт Дарко каевски.
Членот на организациониот одбор Гордана Николовска исткна дека оваа трка е планирана подолг период и дека конечно љубителите на трчањето ќе можат покрај Скопскиот маратон да настапат и на нова улична трка на задоволство на „тркачката заедница“ која постојано расте.
- Потребата за трка од овој вид е потребна и затоа ја сместивме да биде во есенскиот дел од сезоната. Трката е веќе влезена во календарот на Европската атлетска федерација и во календарот на Атлетската федерација на Македонија. Морам да истакна и голема благодарност и до Агенцијата за млади спорт за поддршката што ни ја даде за овој настан, изјави директорот на „Виз Ер Скопски маратон“ Кире Синадиновски.
Скопје трча 10КМ (Skopje Run 10K) се организира од страна на Сојуз на спортови на Скопје, Атлетски клуб Работнички и Атлетска Федерација на Македонија. Пријавувањето почна во петок, 15.09.2017, и секој кој е заинтересиран за регистрација може да ја посети официјалната веб страна: http://www.skopje.run/.
Стартот и целта ќе биде на улица „Илинденска“ за секој што ќе ја заврши трката ќе има медал-финишер, предвиден е награден фонд, лотарија и секако добра забава за сите присутни на овој настан. Стартот на трката е во 9 часот, а покрај трката на 10 километри ќе има и штафетна трка (двајца атлетичари) 2 х 5 километри.
-->
-->
-->
Ново на Сител
-
Инспекторите на терен, дел од книжарниците продаваат по стари цени
-
Албанскиот буквар бил одобрен од Бирото за развој на образованието како дидактичко помагало
-
Ќе се менуваат кадрите во историските комисии со Бугарија и Грција
-
Министерот Фидан во официјална посета
-
Објавен јавниот повик – Општините добиваат 250 милиони евра за развојни проекти
-
Стопанската комора се откажа од барањето за одложување на Законот за нефер трговија
-
Случајот „Онкологија” и по една година се уште во истражна постапка – Клиниката најголем должник
-
Судскиот совет предлага обвинителството да постапува по случајот