Украински сили: Продолжуваат руските напади во Украина

Украина синоќа беше нападната од 16 руски беспилотни летала, соопштија рано утрово преку Телеграм украинските воздухопловни сили. Нивната команда објави и дека 11 од 16 беспилотни летала биле соборени во централните, западните и источните области.
Мета беше главниот град Киев и западната провинција Лавов.
Шефот на градската управа на Киев, Серхиј Попко, изјави дека украинската противвоздушна одбрана ги соборила сите беспилотни летала што се движеле кон главниот град на Украина, додека гувернерот на регионот Лавов, Максим Козицки денеска рече дека три од шесте беспилотни летала биле соборени, додека останатите три го погодиле округот што граничи со Полска.
Според украинските воздухопловни сили, нападите биле извршени од источниот брег на Азовското Море и од руската провинција Бријанск, која граничи со Украина.
Украинската армија во својот редовен извештај утринава соопшти дека руските сили во текот на претходните 24 часа извршиле 34 воздушни напади, еден ракетен напад и 57 рунди противвоздушен оган. Во извештајот објавен на Фејсбук се наведува дека остатоците кои паѓале ја погодиле јужната провинција Херсон и оштетиле седум куќи и една градинка.
Ново на Сител
-
Телефонски разговор Зеленски – папата Лав XIV
-
Притвор за албански државјанин, извршил полов напад врз своја сонародничка во Дебар
-
Завршни зборови во повторениот судскиот процес за пожарот во модуларната болница во Тетово, пресудата на 16 мај
-
Битолчанка со измама добила лична карта и трансакциска сметка од друго лице, и на негово име подигнала брз кредит
-
Приведен кавадарчанец, возел со 2,52 промили алкохол во крвта и предизвикал сообраќајна незгода
-
Возеле 160 на место каде што е дозволено 80, уапсени четири лица во гостиварско
-
Променливо и нестабилно време со повремен дожд и во наредните денови
-
Дизелот поевтинува, бензините поскапуваат