Украинска делегација патува во САД за да ги продолжи преговорите за постигнување договор за прекин на војната со Русија, изјави Зеленски

Украинскиот претседател Володимир Зеленски изјави дека делегација предводена од секретарот на Советот за национална безбедност, Рустем Умеров, веќе патува во САД за да ги продолжи преговорите за постигнување договор за прекин на војната со Русија, објави Укринформ.

„Рустем денес презентираше извештај и задачата е јасна: брзо и суштински да се разработат потребните чекори за прекин на војната“, напиша Зеленски на платформата Икс.

Тој додаде дека очекува резултатите од претходните состаноци со САД во Женева да бидат финализирани утре.

МИА