Убедлива победа на Пелистер над Работнички во ракометната Супер лига

 Ракометарите на Пелистер забележаа очекувана и убедлива победа во дуелот против Работнички, со која битолската екипа го осигура првото место на табелата по есенскиот дел, односно пред зимската пауза во домашниот шампионат на Македонија.

 

Пелистерци синоќа пред својата публика го совладаа Работнички со 36-21, во воведниот натпревар од 14.коло на Супер лигата. 

 

Попладнево во терминот од 18 часот и 30 минути ќе се игра дуелот меѓу Вардар Јуниор и Охрид. 

 

Останатите три средби на програмата се утре (сабота), а во нив ќе играат: 

 

Металург 2 - ГРК Борец (од 17 часот),

Еурофарм Работник – Пролет (17 часот) и 

Прилеп – Радовиш (19 часот). 

 

Табела: Пелистер 34 бодови, Охрид 28, Еурофарм Работник 25, Борец 20, Прилеп 20, Пролет 19, Металург II 18, Радовиш 16, Вардар Јуниор 11, Работнички 0.