Уапсени двајца прилепчани кои извршиле тешка кражба во стан во Скопје

Вчера полициски службеници од СВР Скопје ги приведоа Б.В.(29) и С.Ј.(30), двајцата од Прилеп, по пријава дека околу 13.30 часот извршиле тешка кражба во стан на ул.„Никола Парапунов“, информираат од МВР.

Веднаш по добиената пријава, преземени се мерки и активности и крадците се приведени, а по документирање на случајот против нив ќе бидат поднесени соодветни поднесоци.