Уапсен маж од Осака - чувал крокодил без дозвола

Сопственик на продавница за миленици од Осака е уапсен под сомнение дека чувал соленоводен крокодил долг 1,5 метри – без соодветна дозвола, според полицијата на Префектурата Осака.

Властите извршиле претрес во продавницата на 1 септември. Сома Сатоми (34) наводно го чувал крокодилот, како и желка-гризач и 21 обична желка, во аквариум во својата продавница – исто така, без потребните дозволи. Тој ги признал обвиненијата, пренесуваат јапонските медиуми.

Според наводите, Сатоми ги чувал животните како миленици и немал намера да ги продава. Полицијата истражува како Сатоми дошол до животните.

Соленоводниот крокодил е најголемиот жив вид крокодили и единка може да порасне до должина од четири или пет метри. Тие се хранат со цицачи и други животни. 

МИА