Уапсен маж (36) за киднапирањето на дедото на сопругата на Новак Ѓоковиќ

Припадниците на српското МВР во текот на ноќта го уапсија Бранислав М. (36) од Сремска Митровица кој е осомничен дека извршил кривично дело изнуда во обид, односно киднапирање на дедото на Јелена Ѓоковиќ во Љиг, соопшти денеска српскиот министер за внатрешни работи Небојша Стефановиќ.

Тој на конференција за медиуми, објасни дека Бранислав М. е осомничен дека упаднал во куќата на 83-годишниот старец, му го украл мобилниот телефон,, 26.000 динари од паричникот и потоа дедото на Јелена Ѓоковиќ го однел надвор од куќата и го врзал за далекувод. За делото имал и помагачи и заедно киднаперите барале од семејството Ѓоковиќ откуп од околу 2 милиони евра.

Стефановиќ пренесе дека на Бранислав М. му е одреден притвор од 48 часа во Ваљево, по што ќе биде приведен во обвинителство. Укажа на тоа дека полициајта пронашла одредени предмети кои сведочат за стореното дело. Според Стефановиќ делото го сторил еден извршител и еден помагач.

„Мислиме дека ова е случај кој е дело на ниско ниво на организација“, рече тој, негирајќи дека се работи за кривично дело до поголема организација.

Тој им се заблагодари на луѓето од полицијата, кои сфатиле дека вакви работи мора брзо да се решаваат, за да се отстрани било каков сомнеж за ефикасноста на полицијата, па и испраќаат порака до криминалците дека многу се лажат дека лесно се прави изнуда.