У-17(ж): Македонија загуби од Полска во битката за полуфинале

Ракометна репрезентација на Македонија за кадетки денеска беше поразена од врсничките од Полска со 34-20 и не успеа да стигне до толку посакуваното полуфинале на ЕХФ Шампионатот во Италија.

Нашите ракометарки цели 17 минути немаа постигнато гол што беше пресудно за конечниот резултат на мечот.

Во првиот дел, цели 12 минути македонските ракометарки не го најдоа патот до противничката мрежа, а слично нешто (овојпат само 5 минути) им се случи и во вториот дел.

Најпрецизни во македонскиот состав беа Миновска, Петровска и Јанкуловска со по 4 гола.

Македонија групната фаза ја заврши на третата позиција, па сега на шампионатот ќе разигрува од 5. до 8. место.