Тужба против Трамп поради странските уплати во неговите компании
Група, во која членуваат поранешни правни застапници на Белата куќа за етички прашања денеска ќе поднесе тужба против новиот американски претседател Доналд Трамп поради тоа што им дозволил на неговите компании да прифаќаат уплати на странски влади, со што го прекршил американскиот Устав.
Во тужбата, која во Вашингтон ќе ја поднесе групата Граѓани за одговорност и етика, се наведува дека одредби од Уставот забрануваат уплати во компаниите на Трамп.
- Страната, која ја поднесува тужбата ќе побара од судот да му забрани на Трамп да прифаќа вакви уплати, изјави Дипак Гупта, еден од адвокатите, кои работат на тој случај.
Трамп има бизнис соработка со земји како што се Кина, Индија, Индонезија и Филипини, соопшти групата, која го тужи новиот претседател.
- Кога претседателот Трамп ќе седне да преговара за трговските спогодби со тие земји американскиот народ нема да може да знае дали тој ќе мисли на својот деловен профит, се вели во соопштението.
Меѓу правните застапници на страната, која ја поднесува тужбата ќе биде и Ричарс Пејнтер, поранешен адвокат за етички прашања во Белата куќа за време на републиканскиот претседател Џорџ В. Буш.
Ново на Сител
-
Стартуваше Самитот Македонија 2025 - Како до побрз економски напредок на државата
-
Преглед на вестите од светот
-
Двојно убиство во Стајковци - си ги убил братот и снаата
-
Специјализантите и натаму бараат плата
-
Тема на денот со Илина Мангова, ИРИ
-
Двојно убиство во Стајковци
-
ДИК прифати 7 приговори, прегласување на 22 мај
-
Работните групи за владина коалиција на ВМРО-ДПМНЕ и Вреди стартуваат со работа