Турски медиуми: Бунтовниците ги убиле соборените руски пилоти
Турски медиуми попладнево објавија дека двајцата руски пилоти, кои се катапултирале откако нивниот авион Су-24 беше соборен со ракета истрелана од турски Ф-16, биле ликвидирани од припадници на туркменска бунтовничка група во Сирија.
- Ние ги убивме двајцата пилоти, веднаш по нивното приземјување со падобран, изјавил претставник на оваа бунтовничка група за агенцијата Доган и за телевизијата Си-Ен-Ен Турк.
Турските воени власти соопштија претпладнево дека нивни авиони собориле „странски авион“, кој го нарушил воздушниот простор на Турција.
Руското Министерство за одбрана соопшти дека станува збор за руски авион кој летал во набљудувачка мисија над сириската територија и не го повредил турскиот воздушен прпстор.
Рускиот претседател, кој се наоѓа во посета на Јордан, во Аман изјави дека постапката на Турција се „нож забоден во грбот на Русија“ и ја предупреди Анкара на сериозните последици поради соборувањето на авионот.
- Авионот летал над Сирија и бил одалечен четири километри од границата, изјави Путин на заедничката прес-конференција со јорданскиот крал Абдула.
Претходно, турски премиер Ахмед Давутоглу ја оправда постапката на армиајта, објаснувајќи дека Турција мора да ги брани своите граници и својот воздушен простор.
Независни набљудувачи објаснуваат дека рускиот авион паднал во реонот на планината Туркмен, населен со припадници туркменската етничка заедница, која се протега низ делови од северна Сирија и Ирак.
Ново на Сител
-
Назначени нови директори на ЈСП, ЈП Паркови и зеленило и ЈП Улици и патишта
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка