Турција: Убиен 71 курдски екстремист во Сирија

Турската војска денеска соопшти дека за време на операцијата во Сирија изминатата недела е убиен 71 курдски екстремист од редовите на Единицата за заштита на народот на сириските Курди и нивните сојузници од Курдската работничка партија (ПКК). 

Турција во август минатата година покрена операција со цел протерување на Исламска држава од просторот долж турската граница со Сирија и објави дека ќе ги напаѓа силите на Единицата, кои се поддржани од САД, доколку биде потребно за да се спречат таму да освојат територии.

Турција подолго време бара Единицата да се повелече од сирискиот град Манбиџ на источниот брег на реката Еуфрат.