Турција бара „осовременување“ на Царинската унија со ЕУ

Турскиот министер за надворешни работи Мевљут Чавушоглу оцени дека Царинската унија меѓу Турција и ЕУ треба да биде „осовременета“, јави агенцијата Анадолија.

- Се повеќе се зголемуваат недостатоците во договорот на Царинската унија, па затоа треба да го осовремениме, изјави Чавушоглу, додавајќи дека тие проблеми посебно дошле до израз поради „брзото поместување на глобалната економија од Западот кон Истокот“.

Договорот за Царинската унија меѓу Турција и ЕУ стапи во сила во 1995 година и со него се опфатени широка лепеза на производи.

Турција е петти најголем трговски партнер на ЕУ, а земјите од блокот се главен пазар за извоз на турски производи.