Тупураинен: Европа има обврски кон Западен Балкан
Финското претседателство со Европската унија е целосно посветено на процесот на проширување и од денешниот состанок очекуваме сигнал до регионот на Западен Балкан, што Европа ќе стори во врска со Северна Македонија и Албанија, порача денеска финската министерка за европски прашања, Тити Тупураинен при пристигнувањето во Луксембург на Советот за општи работи, на кој на ниво на министри за надворешни работи треба меѓу другото да се разговара и околу одлуката за почеток на преговори со двете земји.
-Проширувањето е на агендата и ние како претседателство сме целосно посветени на процесот и денеска очекуваме сигнал до Западен Балкан, за она што Европа ќе го стори во однос на Северна Македонија и Албанија. Европа има обврски и мораме да одговориме на регионот на Западен Балкан.
Тупураинен нагласи дека засега не сака да го предвидува текот на разговорите, повтори дека финското претседателство го поддржува проширувањето, но додаде дека мора да се слушат и ставововите на другите-земји-членки, бидејќи одлуките се носат со консензус.
На дневен ред, денеска на состанокот во Луксембург, е и Брегзит, а финската министерка нагласи дека мора да бидат подготвени на сите можни сценарија.
-Треба да бидеме подготвени дека ќе има договор, но мора да бидеме подготвени и дека нема да има, додаде таа.
Ново на Сител
-
Собранието ја констатира оставката на претседателката на ДКСК Татјана Димитровска
-
Поништен тендерот за набавка на 120 електрични еколошки автобуси за јавен превоз
-
Привршува рокот за електронско пријавување за сместување во студентските домови
-
Претрес во Кочани, пронајден пиштол и марихуана
-
Директорка на училиште во Виница си ја вработила ќерката како професор по математика, иако немала соодветно образование
-
Активни седум пожари, три под контрола, пристигнува помош од Чешка и Словенија
-
Пленарна седница за интерпелацијата на јавниот обвинител Коцевски
-
Почнува судскиот процес за нападот врз скопската градоначалничка Данела Арсовска