Свет
27. July 2016 - 13:22

Тројца загинати во пожар во болница во Тирана

Три лица загинаа во пожар што изби на Одделението за дијализа во Американската болница во Тирана.

Како што јавија албанските медиуми, пожарот го предизвикал еден маж, кој е меѓу загинатите.

- Напаѓачот Љефтер Ценај (57) настрада во пожарот што сам го предизвика, а настрадаа уште две пациентки. Цел на нападот на Ценај бил 38-годишен маж, кој е повреден, соопшти претставник на болницата. 

На инцидентот му претгодела караница, а потоа Ценај со бензин го потурил пациентот и го запалил.