Тројца уапсени во антитерористичка акција во Франција

Специјалните сили на француската полиција спроведоа антитерористичка акција, во чии рамки се уапсени три лица, јави дописникот на МИА од Париз.

Според весникот „Депеш ди Миди“, две лица, на возраст од 42 години, се уапсени при претрес на една стан во градот Тулуз.

При претресот на станот пронајдено е лажно, но и вистинско огнено оружје.

Двете упасени лица биле поврзани со радикални исламистички кругови, а едниот од нив, според „Депеш ди Миди“ манфестирал карактеристики специфични за лица со профил на самоубиијци.

Третото лице, на возраст од 30 години, било уапсено во местото Куњо, во рамки на истрага што ја спроведува антитерористичкото обвинителство од Париз.