Тројца мртви и четворица повредени авганистански мигранти откако иранската полиција им пукала во возилото
Авганистанското Министерство за надворешни работи денеска соопшти дека иранските власти од провинцијата Јазд прифатиле дека нивните полициски сили претходно неделава пукале врз возило со авганистански мигранти, предизвикувајќи ја смртта на тројца од нив, јави ДПА.
Германската агенција дополнува дека во инцидентот се ранети уште четири лица, за кои првично авганистанската Влада соопшти дека е „сообраќајна несреќа“, откако возилото било запалено по пукањето врз него.
Снимки од запалениот автомобил и еден авганистански мигрант, кој очигледно го преживеал инцидентот, на кои се гледа како бара вода, пред два дена нашироко кружеа по авганистанските социјални медиуми. Автентичноста на снимките меѓутоа не можеа да се потврдат од независен извор.
Во денешната изјава на Министерството се вели дека иранските власти на авганистанската влада и посочиле дека учесниците во инцидентот ќе ги земе на одговорност. Се додава дека по спроведената истрага, владата во Кабул ќе преземе дополнителни чекори.
Инцидентот со автомобилот се случува еден месец откако иранската гранична полиција беше обвинета за присилување на околу 50 мигранти да влезат во река на иранско-авганистанската граница, во провинцијата Херат, обвинение што Иран го негираше.
Според извештаите на ОН, во моментов има приближно еден милион регистрирани авганистански бегалци кои живеат во Иран, додека земјата е домаќин на уште два милиони Авганистанци кои се без документи, пренесе ДПА.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово