Тринаесетта победа во низа на Хјустон

 

 Екипата на Хјустон не запра со одличните игри во НБА лигата. „Ракетите“ ноќеска ја остварија 13-тата побед во низа откако на домашен терен во неизвесен меч го совладаа Милвоки со 115-111. 

 

Дури шестмина играчи кај домаќините средбата ја завршија со двоцифрен број на поени, а најмногу постигна Џејмс Харден 31, додека Крис Пол придодаде 26. Со „скор“ од 24 победи и само 4 порази тимот на Хјустон е најдобриот досега во НБА лигата. 

И Бостон кој има трет најдобар резултат оствари победа, откако на гости го совлада Мемфис со 102-93. Кајри Ирвинг со 20 поени и 6 асистенции ги предводеше „Селтикси“ до 25-тата победа. 

 

Кливленд ја победи Јута со 109-100, а на овој меч Леброн Џејмс оствари „трипл-дабл“ улинок со 29 поени, 11 скока и 10 асистенции, негов шести сезонава или вкупно 60-то во кариерата, со што го мина Лери Бирд на шестото место на вечната листа. 

На останатите натпревари одиграни ноќеска беа постигнати овие резултати: Шарлот - Портланд 91:93, Њујорк - Оклахома 111:96, Мајами - ЛА Клиперс 90:85, Минесота - Феникс 106:108, Сан Антонио - Далас 98:96, Мемфис - Бостон 93:102.