Три жени убиени на состанок на станари во Рим

Три жени се убиени во неделата, кога маж извадил пиштол и пукал во учесниците на состанокот на станарите на зграда во Рим, јавија италијанските медиуми.

Како што јави Ројтерс, маж (57) е уапсен по пукањето, кое се случило во кафуле во римската населба Фидене, каде се одржувал состанок на советот на станарите.

„Влезе во барот, ја затвори вратата, извика „Ќе направам се за да те убијам“, а потоа почна да пука“, изјавил еден од очевидците за италијанската агенција Анса.

Во престрелката се повредени уште четири лица, од кои најмалку едно се здобило со тешки телесни повреди.

Осомничен за пукањето е маж, кој на полицијата и е веќе познат како учесник во повеќе расправии со станарското собрание.