Трета победа во низа за Црвена звезда во Евролигата

 

 Кошаркарите на белградска Црвена звезда ја остварија и третата победа во низа во елитната Евролига. 

 

На гостувањето кај шпанскиот шампион Валенсија, а во рамките од 12.коло, Црвена звезда забележа победа со 86-82, иако во последната четвртина имаше и 13 поени негатива. 

 

Американецот, Џејмс Фелдин со 26 поени беше предводник на црвено-белите во оваа победа, во која македонскиот интернационалец Перо Антиќ партиципираше со 10 поени, четири освоени топки и една асистенција. 

 

 

На останатите средби одиграни синоќа. Панатинаикос го совлада Армани со 80-72. Натурализираниот македонски репрезентативец Џордан Теодор постигна 9 поени за тимот од Милано. 

 

Во Истанбул, Анадолу Ефес загуби од шпанската Басконија минимално со 81-82, додека ЦСКА Москва беше сигурна во дуелот против Макаби кој го совлада со 101-86. 

 

Сега, московскиот тим  е осамен на врвот на табелата со 10 поени и 2 порази, пред Олимпијакос кој има една победа помалку.