Трет ден протести во Прилеп
Под мотото „За заедничка Македонија“ трет ден се одржуваат протесни собири во Прилеп. Од здруженијата „Пере Тошев“, „Прилепски бранители“, „Карпалак“, „Андон Ќосето“ и здружението „Патриот“ кои ги организираат протестите, велат дека целта е да се пратат пораките за унитарна, заедничка Македонија на сите граѓани, еднојазична и без прифаќање некакви платформи составени надвор од државата.
Собраните граѓани протестираа по булеварот „Гоце Делчев“, од споменикот „Прилепски бранители“ до споменикот „Карпалак“.
Според Ивица Ангелески од здружението „Пере Тошев“, се разбуди петриотскиот дух во народот.
- Многу ми е мило што граѓаните се освестија, се разбуди патриотскиот дух за да ги одбрани Македонија, македонскиот јазик и македонскиот суверенитет. И понатаму, без разлика на партиската, верска припадност сите што сакаат да живеат во една држава, сплотени, ќе ни се придружат во мирните протести. Но, никако нема да дозволиме да ни наметнуваат некакви платформи создадени во други држави, изјави Ангелески.
Прилепчанецот Мирко Дамчески се приклучил на протстите за една Македонија. - Пораката е унитарна, една Македонија која им припаѓа на Македонците, рече Дамчески.
Гоце Стефаноски од здружението „Прилепски бранители“ информира дека протестите продолжуваат.
- Ќе продолжиме со протести додека не си ја зачуваме Македонија таква каква што е и каква што си ја сакаме, каква што ни ја оставиле нашите предци. Поддршката од граѓаните е голема, рече Стефаноски.
На крајот од протестниот марш на насобраниоте им се обрати и музичарот Сашо Гигов Гиш.
Популарно од Македонија
Ново на Сител
-
Собрание: На 10 септември седница на Комисијата за надзор над работата на АНБ и АР и надзорна посета во просториите на АНБ
-
ОЈО ГОКК биле во АНБ
-
Зеленски: Во Украина ќе бидат распоредени илјадници странски војници
-
24-годишник полово злоупотребувал 5 годишно девојче со кое бил во роднинска врска
-
Трамп: Ја изгубивме Русија поради најцрната Кина
-
Рама: Албанските, косовските и македонските туристи се претставуваат како најголеми патриоти, а се најголеми загадувачи на албанските плажи
-
Кошта: Разумно е да и гарантираме на Северна Македонија дека ќе нема нови барања
-
Честитка од Трамп до Сиљановска Давкова за Денот на независноста
