Трамп сака да ги врати старите тушеви и светилки: Со новите не можам ни косата да ја измијам
Американскиот претседател Доналд Трамп сака да ги врати старите плочни шпорети, тушеви со силен млаз вода и класичните светилки, тврдејќи дека новите еколошки стандарди го отежнуваат секојдневниот живот.
„Давам налог веднаш да се вратат старите стандарди за вода и проток во мијалниците, тушевите, тоалетите, машините за перење алишта и садови“, објави Трамп на својата платформа Truth Social.
Тој веќе подолго време се жали на новите тушеви, тврдејќи дека тие ја намалуваат силата на водата.
– Пуштате туш, а ако сте како мене, не можете добро да ја измиете вашата убава коса, изјави тој во 2020 година.
Во својот прв мандат, Трамп ги укина федералните регулативи што го ограничуваа протокот на вода, но неговиот наследник Џо Бајден повторно ги врати.
Покрај тушевите, Трамп остро ги критикува и LED светилките кои ги заменија традиционалните светилки со жичана жица. – Не сум суетен, но изгледам подобро под светлината на старите светилки.
Овие новиве ме прават да изгледам портокалово, изјави тој во 2019 година. Аналитичарите сметаат дека Трамп ја користи носталгијата како политичка алатка.
Според политикологот Спенсер Гоидел од Универзитетот Оберн, луѓето имаат тенденција да го идеализираат минатото и да забораваат на недостатоците.
– Трамп ја разбира таа носталгија и знае како да ја искористи. Неговиот слоган ‘Да ја направиме Америка повторно голема’ се темели токму на тој концепт, вели Гоидел.
Иако LED светилките заштедуваат енергија и ја намалуваат емисијата на штетни гасови, а новите тушеви помагаат во зачувување на водата, Трамп останува тврд во својот став дека старите технологии биле подобри.
Неговата реторика покажува дека ова прашање повеќе се однесува на идеолошка и политичка битка отколку на вистинска загриженост за ефикасноста на апаратите.
Ново на Сител
-
Многу пријави за интернет закани, ама Македонија се уште без закон за сајбер беезбедност
-
Бел чад над систинската капела – избран е наследникот на папата Франциск
-
Тема на денот со професор Звонимир Јанкуловски, поранешен амбасадор во Ватикан
-
Подготовките за локалните избори во полн ек – Таравари на излезна врата
-
И Димитриевски и СДСМ ги повикаа истражните органи да утврдат дали има корупциски скандал во Куманово
-
Предлог-закон на СДСМ за помош на настраданите од Кочани, од ВМРО-ДПМНЕ нема да го поддржат - имаат свој план за помош
-
Истрагата за пожарот во Кочани во полн ек, родителите обвинуваат за масовно убиство
-
Кој треба да истражува дали има фиктивна вакцинација на деца со лажни потврди?