Трамп: САД можеби нема да бранат некои членки на НАТО од Русија
Кандидатот на републиканците за американски претседател Доналд Трамп изјави синоќа дека под негово водство постои можност САД да не застанат во одбрана на одредени членки на НАТО, доколку бидат нападнати од Русија.
Трамп истакна дека ќе донесе одлука дали да се заштитат балтичките републики од „руската агресија“, врз основа на тоа дали тие земји „ги исполниле своите обврски“ кон САД.
Тој ова го изјави синоќа во интервју за „Њујорк тајмс“, ден пред и официјално да ја прифати номинацијата за претседателските избори.
Трамп нагласи дека нема да ја критикува Турција поради акцијата против политичките противници и ограничувањето на граѓанските слободи по минатонеделниот неуспех на воениот пуч.
За турскиот претседател Реџеп Тајип Ердоган изјави дека „му оддава признание што успеал да направи ваков пресврт“ - Некои луѓе мислат дека пучот е исцениран, знаете за тоа. Тоа не е мое мислење, рече Трамп.
- САД немаат право да и држат лекции на Турција и на други земји кога луѓето ладнокрво пукаат врз полицајци, порача Трамп.
Тој говореше и за распоредувањето на американски сили во странство, но повеќе од економска гледна точка, како некој кој со децении е во бизнисот, а нема искуство во политиката.
Трамп напомена дека можеби нема да биде потребно распоредување на американски сили во странство.
- Доколку одлучиме дека мораме да ги браниме САД секогаш можеме да ги распоредиме американските сили, а тоа би било многу поевтино, рече кандидатот на републиканците.
Ново на Сител
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка
-
СПМ: На 8 мај народот ќе ја определи својата иднина и иднината на државата
-
Едeн загинат во сообраќајка на експресниот пат Штип - Кочани
-
На полноќ настапува молк пред вториот круг од претседателските и парламентарните избори на 8 мај
-
Православните верници денеска слават втор ден Велигден и Ѓурѓовден
-
Право на глас на вториот круг од претседателските избори имаат 1.814.317, а на парламентарните 1.815.350