Трамп: Ракетите „Патриот“ за Украина се веќе на пат
Веќе се испраќаат, рече Трамп одговарајќи на новинарско прашање во воената база Џојнт Бејс Ендрјус во Мериленд. - Тие се испорачуваат од Германија, а потоа Германија ги надоместува резервите. Во сите случаи, САД се целосно обештетени, додаде тој.
Изјавата доаѓа во период на засилени руски напади врз украинските градови, поради што Киев бара дополнителни системи за воздушна одбрана, особено од САД. Портпарол на германската влада во понеделникот соопшти дека европските сојузници разговараат за испорака на повеќе од три системи „Патриот“ за Украина.
Трамп појасни дека овие испораки се дел од нов аранжман според кој членките на НАТО и ЕУ купуваат американско оружје, дел го испраќаат во Украина, а потоа ги обновуваат залихите со поддршка од Вашингтон. – Секогаш си ги добиваме парите назад, целосно. Во некои случаи, земјите-членки на ЕУ директно ни го враќаат износот, нагласи Трамп.
Новите пратки оружје пристигнуваат само два дена откако Трамп ѝ постави ултиматум на Москва, предупредувајќи дека САД ќе воведат „строги“ царини ако Русија не се согласи на мировен договор во рок од 50 дена.
Кремљ претходно ги нарече предложените царини „сериозни“, со оценка дека Москва ќе има потреба од време за да ја анализира пораката од Вашингтон.
Американскиот претседател исто така изјави дека не разговарал со рускиот претседател Владимир Путин откако САД на 14 јули воведоа нови санкции против Русија.
Ново на Сител
-
ЦУК: Активни три пожари, еден под контрола и еден изгаснат
-
FLEX CREDIT го зацврстува лидерството со рекордни резултати и 65 филијали низ Македонија
-
Мицкоски: Правиме гигантски чекори во економијата-раст на БДП меѓу 4 и 6 отсто во вториот квартал и историско зголемување на индустриското производство
-
Лишен од слобода битолчанец кај кого била пронајдена марихуана
-
Ѓорѓиевски: 2025 е најуспешната година за капитални инвестиции во историјата на Кисела Вода
-
Во кривопаланечкиот здравствен дом вработени нови 20 лица, од нив 7 лекари и 6 медицински сестри
-
Во националниот парк Шар Планина најдени незаконски исечени букови дрва за огрев
-
Коцевски: Нема политичко влијание врз мојата работа, но Обвинителството се соочува со сериозни предизвици