Трамп предлага да се фрлаат атомски бомби против ураганите

Американскиот претседател Доналд Трамп предложил да се фрлаат нуклеарни бомби против ураганите пред да ги погодат Соединетите Американски Држави, пренесува американскиот веб-страница Аксиос.

Според Аксиос, на состанокот за ураганите, претседателот Трамп прашал дали е можно да се фрли атомска бомба кон ураганот за да се спречи тој да се формира над водата. Веб-страницата не соопштува кога се случила средбата.

Предлогот на Трамп не е нова работа. Првично тоа беше направено во 1950-тите години од страна на научник кој работел за претседателот Двајт Ајзенхауер.

Белата куќа не го коментираше текстот на Аксиос.