Трамп: Обвинението е смешно и неосновано
Поранешниот американски претседател Доналд Трамп синоќа изјави дека федералното обвинение објавено против него е „смешно“ и „неосновано“, обид да се загрозат неговите шанси да биде реизбран за претседател на САД во 2024 година.
Трамп, во своето прво појавување во јавноста по објавувањето на обвинението, на предизборната конвенција на републиканците во американската сојузна држава Џорџија, рече дека американската администрација започнала „лов на вештерки“ за да ја попречи волјата на американскиот народ.
Тој тврди дека обвиненијата против него се политички мотивирани, велејќи дека тоа ќе биде една од најлошите злоупотреби на власта во историјата на САД.
Околу 100 поддржувачи, некои држејќи транспаренти на кои пишуваше „Лов на вештерки“, се појавија на аеродромот во Колумбус за да го поздрават Трамп кога тој пристигна.
Трамп останува фаворит за републиканската претседателска номинација во 2024 година и покрај зголемените правни проблеми.
Обвинението, објавено во петокот, го товари Трамп за 37 кривични дела поврзани со собирање доверливи документи на неговиот имот Мар-а-Лаго на Флорида. Обвинението вклучува и наводи дека Трамп, меѓу другото, чувал документи во балската сала и бањата на неговата палата.
За најтешките кривични дела во обвинението се предвидени потенцијални затворски казни до 20 години, но на сторителите ретко се изрекува максимална казна, со оглед на тоа што одлуката ја носи судијата на крајот од постапката. Трамп треба да го има своето прво појавување пред федералниот суд во вторник во Мајами.
Ново на Сител
-
Клековски: На болничко лекување остануваат уште тројца од повредените во пожарот во дискотеката „Пулс“
-
Притворен уште еден осомничен од групата против која се води истрага за злосторничко здружување, даночна измама, даночно затајување и перење пари
-
Обвинение за насилството на фудбалски натпревар во Штип – татко физички нападнал малолетни играчи
-
Подметнат пожар на локалитетот Мушов Гроб
-
МВР на Србија: Во писмо за министерот Дачиќ пронајдени три куршуми
-
Мицкоски: Имаме над 27 проценти повеќе откупени земјоделски производи споредено со истиот период лани
-
Шеснаесет пливачи и пливачки ќе учествуваат на 38. Охридски пливачки маратон
-
Калас: Путин се потсмева на мировните напори за Украина