Трамп: Нападите врз продажните места на „Тесла“ ќе бидат означени како домашен тероризам
Нападите врз продажните места на „Тесла“ ќе бидат означени како домашен тероризам, а сторителите „ќе поминат низ пеколот“, изјави американскиот претседател Доналд Трамп во знак на поддршка за шефот на производителот на електрични автомобили и неговиот сојузник Илон Маск.
Акциите на „Тесла“ се зголемија за речиси четири отсто во вторникот, што претставува закрепнување од најголемиот еднодневен пад во последните четири и пол години, забележан еден ден претходно.
Претседателот Трамп се појави со Маск во Белата куќа за да избере нови возила „Тесла“ за неговиот персонал.
Активистите неодамна ги организираа таканаречените „Протести за рушење на Тесла“ за да го изразат незадоволството од улогата на Маск во големите намалувања на работната сила во федералните институции по налог на Трамп и откажувањето на договорите за финансирање хуманитарни програми ширум светот.
Маск, најбогатиот човек во светот, раководи со Одделот за владина ефикасност (DOGE) во администрацијата на Трамп.
Портпаролот на Белата куќа, Харисон Филдс рече дека „грозоморните акти на насилство врз ‘Тесла’ од страна на радикалните левичарски активисти не се ништо помалку од домашен тероризам“.
Ново на Сител
-
Уставен суд: Уставот не предвидува интерпелација на уставните судии
-
Државата за две години потрошила 8 и пол милиони евра само за набавка на нови автомобили
-
Поради строгите правила за приватност Агелер не открива зошто Лимани не доби американска виза
-
СДСМ: Една фирма добила тендери од 4,5 милиони евра од градоначалници на ВМРО-ДПМНЕ
-
Мицкоски: Има голема заинтересираност за вториот повик од унгарските пари за проекти во општините
-
5 години членка на Нато-предизвиците пред кои е исправена државата се големи
-
Преглед на вестите од светот
-
ВМРО-ДПМНЕ: СДС и ДУИ заедно со нивните судии и обвинители во акција за заштита на мазут мафијата